අපි ගැන
ජාතික සත්වෝද්යාන දෙපාර්තමේන්තුව
ශ්රී ලංකාවේ ජාතික සත්වෝද්යාන දෙපාර්තමේන්තුවට සාදරයෙන් පිළිගනිමු, එය ශ්රී ලංකාවේ ඇති බාහිර සත්ත්ව සංරක්ෂණය, අධ්යාපනය, පර්යේෂණ සහ සංචාරක කටයුතු පිළිබඳ රජයේ ප්රමුඛතම ආයතනයයි.
අපගේ මෙහෙවර වන්නේ මහජන ඉගෙනීම සහ සහභාගීත්වය දිරිමත් කරමින් සත්ව ජෛව විවිධත්වය ආරක්ෂා කිරීමයි. සත්ව සුභසාධනය, විද්යාත්මක පර්යේෂණ සහ සංරක්ෂණ අභිජනනයට ප්රමුඛත්වය දීම සඳහා ගොඩනගා ඇති ප්රමුඛ සත්වෝද්යාන සහ සංරක්ෂණ පහසුකම් ජාලයක් අපි කළමනාකරණය කරමු. නවීන සත්වෝද්යාන පිළිවෙත් ක්රියාත්මක කිරීමෙන් සහ ස්වාභාවික වාසස්ථාන නිර්මාණය කිරීමෙන්, අපි වඳවීමේ තර්ජනයට ලක්ව ඇති සත්ත්ව විශේෂ ආරක්ෂා කිරීම සිදු කරනා අතර එමෙන් ම මහජනතාව තුල ඇති පාරිසරික දැනුවත් භාවය වර්ධනය කිරීම පිළිබඳ අවශ්ය කටයුතු ඉටු කරන්නෙමු. ජාතික සත්වෝද්යාන දෙපාර්තමේන්තුව සතු ප්රධාන ආයතන ලෙස,
දෙහිවල ජාතික සත්වෝද්යානය
ගෝලීය වනජීවීන්ගේ පොහොසත්, විවිධත්වයෙන් අනූන සතුන් එකතුවක් සහිත ඓතිහාසික නාගරික සත්වෝද්යානයකි.
පින්නවල අලි අනාථාගාරය
ආසියානු අලි ඇතුන්ගේ රැකවරණය, ආරක්ෂාව, අභිජනනය සහ සංරක්ෂිත ගහණයක් පවත්වාගෙන යාම සඳහා කැප වූ ලෝක ප්රකට අභයභූමියකි.
පින්නවල සත්වෝද්යානය
ශ්රී ලංකාවේ ප්රථම විවෘත සංකල්ප සත්වෝද්යානයයි. ස්වදේශික වන සතුන් සඳහා සහ වඳ වී යාමේ තර්ජනයට ලක් වී සිටින සතුන් සංරක්ෂණය සිදු කරනු ලබන තෝතැන්නකි.
රිදියගම සෆාරි උද්යානය
විශාල, ස්වාභාවික පරිසර පද්ධති හරහා සතුන් නිදහසේ සැරිසරන දැවැන්ත, පුළුල් සෆාරි උද්යානයකි.
දැක්ම සහ මෙහෙවර
දැක්ම
ලෝකයේ විශිෂ්ටතම සත්වෝද්යාන පවත්වා ගෙන යනු ලබන ආයතනයක් බවට පත්වීම
මෙහෙවර
නවීන සත්වෝද්යාන සංකල්ප යටතේ, ආකර්ෂණීය ශිල්පීය ක්රම සහ ප්රවීණතාවයන් උපයෝගී කර ගනිමින්, පිළිගත් නීති රීති වලට අනුකූලව උපරිම රැකවරණය යටතේ නිවහන සපයමින්, විවිධත්වයෙන් යුතු සෞඛ්ය සම්පන්න සත්ත්ව එකතුවක් ප්රදර්ශනය කිරීම.
අරමුණු
ජෛව විවිධත්ව සංරක්ෂණය
සත්ව සුභසාධනය
අධ්යාපනය සහ විෂය මූලික දැනුම වර්ධනය
පර්යේෂණ සහ නවෝත්පාදන
තිරසාර පිළිවෙත් අනුගමනය කිරීම
ප්රජා සහභාගීත්වය
නරඔන්නන්ගේ අත්දැකීම් ප්රවර්ධනය
ප්රමිතිකරණය සහ නවීකරණය
අධ්යක්ෂ ජනරාල්තුමාගේ පණිවිඩය
"ශ්රී ලංකාවේ වන සතුන් විතැන් සංරක්ෂණය, සත්ව සුබසාධනය සහ ජෛව විවිධත්ව ආරක්ෂාව වෙනුවෙන් කැපවූ ප්රමුඛතම ආයතනය ලෙස ජාතික සත්වෝද්යාන දෙපාර්තමේන්තුව සිය කටයුතු අඛණ්ඩව හා විශ්වාසනීය ලෙස සිදු කරමින් පවතී.
සතුන් පිළිබඳ අධ්යාපනික, පර්යේෂණ හා සංරක්ෂණ වැඩසටහන් ශක්තිමත් කරමින්, අනාගත පරපුර සඳහා ද මෙම සතුන් රැක බලා ගනිමින්, සුරක්ෂීතව පවත්වා ගැනීම අපගේ ප්රධාන අරමුණයි.
එමෙන්ම, සත්වෝද්යාන අත්දැකීම තුළින් ජනතාවට විනෝදාස්වාදය, විවේකය හා මානසික සුවය ලබාදීමට, එමෙන් ම කුඩා දරුවාගේ සිට වැඩිහිටියා දක්වා සතුන් පිළිබඳ ඇති සහකම්පනය වැඩි දියුණු කිරීමටත් ඒ තුළින් සතුන් ආරක්ෂා කර ගැනීමේ සමාජ පෙළඹවීමක් ඇති කිරීමටත් සත්වෝද්යාන දෙපාර්තමේන්තුව කටයුතු සිදු කරයි.
මෙම සියලු අරමුණු ඉටු කරගනිමින් නවීන ප්රමිතීන්ට අනුකූලව දකුණු ආසියාවේ විශිෂ්ටතම සත්වෝද්යාන සමූහය බවට පත්වීමේ අපගේ දැක්ම යථාර්ථයක් බවට පත් කර ගැනීම අප සියලු දෙනාගේ අභිප්රාය යි ."
Dr. R C Rajapaksa
අධ්යක්ෂ ජනරාල්තුමා - ශ්රී ලංකා ජාතික සත්වෝද්යාන දෙපාර්තමේන්තුව, ශ්රී ලංකාව
ජාතික සත්වෝද්යාන දෙපාර්තමේන්තුව
120, අනගාරික ධර්මපාල මාවත, දෙහිවල – ගල්කිස්ස, ශ්රී ලංකාව
සෑම දිනකම පෙ.ව. 8:30 – ප.ව. 5:00